ايه علاقه شم النسيم بالفسيخ؟؟؟؟

شم النسيم ايوه عزيزى القارئ اليوم اللى بتأكل فيه فسيخ وبصل وحاجات من دى طبعاً انت كامصرى اصيل عمرك م سألت بدأ ازاى الاحتفال ده واصله اى وبنحتفل بيه لى؟

تعالى انا اقولك لى ... بص عزيزى القارئ البدايه كانت عند المصريين القدماء لما كانوا بيشوفوا تفتح الأزهار والنباتات بشكلها الجميل ده ف الربيع ده خلاهم يفكروا لى الأزهار بتتفتح ف الموسم ده تحديداً وده وصلهم انهم يعتقدوا ان ده بدايه حياه للنباتات لا ومش كده بس د هما اعتقدوا ان ده بدايه العالم او بدايه الحياه كلها ف بدأو يحتفلوا بالموسم ده ف يوم سموه "شمو" ودى كلمه فرعونية بترمز لبدايه الحياه وعلى مر العصور أضيف ليها كلمه النسيم للتعبير عن الجو الجميل بتاع اليوم ده وطبعاً بمرور حضارات مختلفه ف مصر بدأ التحريف لحد م وصل لكلمه شمو وحولها لشم..... 

ويؤكد بعض المؤرخين ان الاحتفال ده بدأ قبل 5000 سنه من دلوقتى من سنه 2700 ق.م وفى بعض المؤرخين بيقولوا ان اقدم من كده كمان .

✴️بردو بتسأل نفسك اي حكايه اكل الفسيخ والحاجات دى صح؟

بص يا عزيزى المصرين كانوا بيحتفلوا زى م قولتلك ببدايه الحياه ف اى اكتر حاجه بتمثل ده اكتر من البيضه؟

مفيش طبعاً لان خروج الكتكوت من الجماد اللى الحياه ⬅️ف كانوا بيأكلوا البيض ف اليوم ده وبمرور الوقت وبسبب بعض المعتقدات الدينيه بدأ يلونوا البيض ويكتبوا عليه امنياتهم ويحطوه ف سله عشان شمس يوم بعث الحياه "شم النسيم" تشرق على الامنيات وتحققها .

⬅️السمك المملح بأنواعه المختلفه عزيزى القارئ انت عارف ان المصريين مقدسوش حاجه قد النيل ف كان هو باعث الحياه عندهم ف كانوا بيأكلوا السمك المملح كا عنصر بيمثل النيل ف الاحتفال ده .

⬅️كان فى حاجات تانيه زى البصل اللى هو كان بيعبر عندهم عن الحياه والتغلب على الموت ولدرجه انهم كانوا بيرسموه على جدران المنازل.

⬅️الخس كان مقدس بردو لانه بيساعد على الخصوبه وده كان معبر بردو على الحياه.

وكان مظاهر الاحتفال شبيها بدلوقتى كانوا بيخرجوا على ضفاف النيل العظيم وفى الحدائق بردو.

✴️✴️نقطه مهمه بقى ايه علاقه عيد القيامه بشم النسيم ؟

بعد دخول المسيحيه مصر وفى الفتره دى كان التقويم القبطى المتبع كان احياناً يجى يوم الاحتفال بشم النسيم ف فتره الصوم الكبير واللى هى "55 يوم" ف بكل بساطه كان الحل تأجيله لبعد الصوم ف بقى ميعاده بعد عيد القيامه بيوم واحد ف عيد القيامه بيكون يوم الاحد وشم النسيم يوم الاتنين.

 بس عزيزى القارئ دى كل حاجه محتاج تعرفها، بما انك بتحبنى ولسه مملتش اكتبلما رايك في كومنت وقولنا ايه رايك في المعلومه