هل تركيب المخ بيتغير كل ما نكبر في العمر؟

"The brain does change throughout our lives"

                                                                                                                                             

عنوان غريب صح؟

طبعًا كلنا مفكرين إن المخ عضو ثابت بيفضل بتركيبه لحد ما نكبر.

طب جربت تفكر في إن خلايا المخ بتتجدد مع الوقت؟

-هتستغرب وهتقولي ازاي!؟

=المخ بيتغير طوال حياتنا وبيتشكل زي البلاستيك بالظبط، تعالى ياسيدي ندردش سوا عن مصطلح اسمه "Brain Plasticity" أو "Neuroplasticity" واللي هي اللدونة أو المرونة العصبية. 🧠

-إيه هي ال Neuroplasticity دي وبتعمل إيه؟🤔

=الدماغ بيتكون من مليارات الخلايا العصبية والغالبية العظمى من الخلايا بتتكون أثناء وجودنا في الرحم، بس في أجزاء معينة من الدماغ بتستمر في تكوين خلايا عصبية جديدة أثناء الطفولة، في كل مرة تفكر أو تحس أو تعمل حاجة جديدة في مسارات في مخك بتتجدد ومسارات بتضعف وهي دي ال "Neuroplasicity" نقدر نقول ال Neuroplasticity عملية بناء مسارات جديدة وإضعاف مسارات قديمة🤝🏻

-الNeuroplasticity ليها أهمية كبيرة لأنها بتوفرلنا مدخل لدراسة وفهم تطور المخ وبتوصفلنا إزاي التجارب والأحداث بتعيد تنظيم المسارات العصبية في الدماغ.

"Neuroplasticity is an intrinsic and fundamental property of all nervous systems." 💫

 

لو عايزنا نكلم في اي موضوع اكتبلنا اسمه و احنا نكلم عنه

ولو اول مره تسمع المعلومه ياريت تشاركها وتعرف الي مش عارف

 وبكدا نقول إن في حاجات كتير في أجسامنا منعرفش عنها حاجة فلازم نبحث وندور.

 ؤيب

✨